“Exit poll”-et në Kosovë: Albin Kurti fiton zgjedhjet parlamentare me mbi 40% të votave

Qytetarët e Kosovës kanë ushtruar të drejtën e tyre të votës sot për të zgjedhur Qeverinë e ardhshme.

Sipas rezultateve të EXIT POLL-eve të para nga mediat në Prishtinë, kryeministri në detyrë, Albin Kurti do të jetë fitues me mbi 40% të votave.

Sipas EXIT POLL-it të realizuar nga RTV Dukagjini dhe kompanisë UBO-Consulting këto janë rezultatet që kanë marrë subjektet politike:

Lëvizja Vetëvendosje 40.3%

Partia Demokratike e Kosovës 21.4%

Lidhja Demokratike e Kosovës 19.3%

Aleanca për Ardhmërinë e Kosovës dhe Nisma Socialdemokrate 7.2%

Koalicioni për Familjen 1.8% dhe të tjerët 1.1%.