Dërgohet pa shenje jete një person në QKMF të Malishevës
Shqip
Një person është dërguar pa shenja jete në Qendrën Kryesore të Mjekësisë Familjare në Malishevë, ndërsa rasti në polici është hapur si “hetim i vdekjes”, njofton Shqip.com.
Rasti ka ndodhur në orët e vona të së shtunës, ndërsa trupin e pajetë të viktimës në spital e kanë dërguar familjarët.
Me vendim të prokurorit, trupi i pajetë i viktimës është dërguar në Institutin e Mjekësisë Ligjore për obduksion.
“Raportohet se nga familjarët është sjell pa shenja jete viktima mashkull kosovar në QKMF. Me vendim të prokurorit, trupi i pa jetë i viktimës është dërguar në IML për obduksion”, thuhet në njoftimin e policisë. /Shqip.com
