Dani Olmo më në fund regjistrohet si futbollist i Barcelonës

Tifozët e Barcelonës tashmë mund të ndihen të lumtur, pasi Dani Olmo edhe zyrtarisht mund të paraqitet me klubin blaugran.

“Mundo Deportivo” ka raportuar se Dani Olmo tashmë është regjistruar si lojtar i Barcelonës, dhe që nga nesër mund të debutojë nën urdhrat e trajnerit Hansi Flick.

Shkak për këtë “gëzim” u bë dëmtimi i Andreas Christensen, i cili do t’i mungojë Barcelonës për një kohë të pacaktuar.

Olmo nuk u paraqit në dy ndeshjet e para të edicionit të ri në La Liga.

Spanjolli u transferua për 51 milionë euro te Barcelona nga skuadra gjermane, Leipzig.

Ai ka nënshkruar kontratë gjashtëvjeçare me Barcelonën, ndërsa klauzola e lirimit të Olmos është 500 milionë euro.