Çeku: Nis procesi për dëmshpërblim nga Serbia për shkatërrimin e qëllimshëm të qindra monumenteve të Kosovës

Ministri i Kulturës, Rinisë dhe Sporti, Harjulla Çeku, ka njoftuar se zyrtarisht ka filluar procesi për të kërkuar llogari dhe dëmshpërblim nga Serbia “për shkatërrimin e qëllimshëm të qindra monumenteve të Kosovës”, përcjell Shqip.com.

Kjo pasi Qeveria në mbledhjen e së mërkurës ka votuar themelimin e Komisionit shtetëror për dokumentimin e shkatërrimit të trashëgimisë kulturore të Kosovës gjatë luftës më 98/99.

“Anëtarë të komisionit do të jenë profesionistë dhe përfaqësues të institucioneve shtetërore dhe profesionale, si dhe profesionistë ndërkombëtarë”.

“Komisioni do të marr për bazë të gjitha dokumentimet që janë kryer deri sot, ndërsa do të ketë për detyrë hartimin e inventarit shtetëror me të gjitha monumentet e shkatërruara gjatë luftës në vitet 1998 dhe 1999”, ka shkruar Çeku në rrjetin social Facebook.

Ai tutje ka shtuar se mbi këtë dokument dhe në pajtim me standardet ndërkombëtare do të përpilohet edhe kërkesa për dëmshpërblim./Shqip.com