Britania e Madhe njofton ndihmën ushtarake për Ukrainën me vlerë 7,5 milionë paund

Aleatët duhet të “bashkohen” për të mbështetur Ukrainën dhe për të siguruar që presidenti rus Vladimir Putin “të mos ketë sukses”, paralajmëroi sekretari i Mbrojtjes John Healey, ndërsa Britania e Madhe njoftoi ndihmën e mëtejshme ushtarake për Kievin në ditën e 1000 të luftës.

“Britania e Madhe do të sigurojë 7,5 milionë paund (9,5 milionë dollarë) për dronët e rinj sulmues dhe mbikëqyres”, tha sot Ministria britanike e Mbrojtjes.

Masa vjen pasi pushtimi i Rusisë hyn në ditën e tij të 1000-të – si dhe mes shqetësimeve për një ndryshim të mundshëm të qëndrimit të SHBA-së nën drejtimin e Donald Trump, i cili ka thënë se dëshiron t’i japë fund konfliktit “brenda një dite”.

Sipas deklaratës së ministrisë, 7,5 milionë paund do të investohen përmes koalicionit të dronëve – ndërsa aleatët e tjerë do të ofrojnë 16 milionë paund shtesë, përfshirë 10 milionë paund nga Gjermania, 3 milionë paund nga Kanadaja dhe 3 milionë paund nga Luksemburgu.

“Kjo e çon fondin total te ndihmes në 67 milionë paund, duke përfshirë 15 milionë paund nga Britania e Madhe”, tha Ministria e Mbrojtjes.