Begaj bën homazhe te varri i ish-presidentit Rugova
Publikuar:
(15.08.2022 18:21:56)
Presidenti i Shqipërisë, Bajram Begaj ka bërë homazhe te varri i ish-presidentit Ibrahim Rugova.
Begaj ishte i shoqëruar nga ambasadori i Shqipërisë në Kosovë, Qemal Minxhozi.
Begaj gjatë vizitës së tij dy ditore në Kosovë është takuar me presidenten, Vjosa Osmani.
Gjatë konferencës së përbashkët, presidenti Begaj, ka thënë se Shqipëria do të jetë zëdhënëse e interesave të Kosovës në OKB.
Ai ka shprehur mbështetje për anëtarësimin e Kosovës në NATO dhe të gjitha organizatat e rëndësishme ndërkombëtare.
Begaj është takuar edhe me kryetarin e Kuvendit Glauk Konjufca dhe kryeministrin Albin Kurti./Shqip.com