Babai i Dua Lipës dëshironte që ajo të përformonte në Katar?

Dua Lipa kishte mbyllur me kohë thashethemet se do të performonte në Katar.

Megjithatë, emailet sugjerojnë se babai i saj Dukagjin Lipa, kishte negociuar me Katarin për dy vjet që ylli të këndojë në Kupën e Botës, shkruan Dailymail.

Dokumentet tregojnë se si babai i këngëtares iu afrua për herë të parë organit organizues të Kupës së Botës të Katarit, Komitetit Suprem për Dorëzim dhe Trashëgimi, në vitin 2020.

Në emailin e tij fillestar më 9 mars 2020, ai shkroi: “Unë përfaqësoj vajzën time, artisten Dua Lipa dhe kam dëshirë të diskutoj me Komitetin e Lartë planet për shfaqjet e artistëve për Kupën e Botës në Katar 2022”.

Në janar 2021, ai shkroi: “Unë thjesht doja të ndiqja kërkesën time të mëparshme dhe po pyesja veten nëse do të ishte e mundur që ne të diskutonim çdo mundësi që do të lindte që ne të ndihmonim?

“Së fundmi transmetuam një performancë të drejtpërdrejtë të këngëve nga albumi i ri i Dua-s si dhe paraqitjet e artistëve të tjerë që kishin 5 milionë shikues, që ishte më i madhi ndonjëherë në botë për një ngjarje të transmetimit të drejtpërdrejtë.”

Zbulimet vijnë pas deklaratës së fundit të Dua Lipës, duke pretenduar se një performancë në turneun e Katarit nuk ishte kurrë e rëndësishme për të.

“Aktualisht ka shumë spekulime se unë do të performoj në ceremoninë e hapjes së Kupës së Botës në Katar. Unë nuk do të performoj dhe as nuk kam qenë ndonjëherë i përfshirë në ndonjë negociatë për të performuar”, ka thënë ajo.

Ndërkaq, babai i saj tha se Dua nuk ishtë në dijeni për bisedimet e tij me ekipin e marketingut të Kupës së Botës të Katarit.

“Dua nuk ishte e përfshirë apo në dijeni për ato shkëmbime apo ndonjë bisedë tjetër. Kur u prezantova, u dhashë atyre sfondin tim të plotë që përfshinte përfaqësimin tim të Dua-s. Por unë sqarova se nuk po flisja me ta me mendjen e saj dhe e bëra shumë të qartë kur më pyetën nëse pyetjet e mia kishin të bënin me Duan. Kjo ishte në fillim të vitit 2021, në një kohë kur Katari kishte bërë disa premtime (që nga fitimi i kontratës së Kupës së Botës) për të reformuar ligjet e punës dhe për të ndryshuar të dhënat e tyre të të drejtave të njeriut. Ndërsa biseda vazhdoi dhe Kupa e Botës po afrohej, u bë shumë e qartë se këto premtime nuk do të respektoheshin, kështu që unë ndalova së foluri me ta”, tha ai.

Tutje ai tha se gjë nga ajo kohë ua ka bërë të qartë se Dua nuk do të përfshihej në përformancën e Kupës së Botës.