Artisti nga Kosova anëtarësohet në asociacionin ndërkombëtar të dizajnit në Belgjikë
Publikuar:
(20.06.2022 17:11:05)
Artisti nga Kosova, Rrezart Galica është anëtarësuar në Asociacionin Ndërkombëtar për Dizajn e Kulturë Kinë-Evropë, (CEIDA) në Antwerp të Belgjikës.
CEIDA është një platformë ndërkombëtare e dizajnit dhe kulturës.
Lajmin e ka bërë të ditur vetë asosacioni në rrjetin social Facebook.
Galica është profesor në kurset Multimediale dhe Dizajn Ndriçimi.
Ai ka qenë aktiv në fushën e arsimit të artit dhe dizajnit që nga përfundimi i programit të doktoratës.
“E mirëpresim edhe një herë në CEIDA, një platformë ndërkombëtare për art dhe dizajn, dhe për të kontribuar në shkëmbimin e kulturave të artit dhe dizajnit në mbarë botën”, thuhet në njoftim.
Galica është gjithashtu themelues i Akademisë Multimediale.