Arrestohet në Prishtinë personi i kërkuar nga Austria
Publikuar:
(10.10.2022 22:01:42)
Një person i kërkuar nga shteti i Austrisë është arrestuar gjatë ditës së sotme në Prishtinë.
Siç ka njoftuar Policia e Kosovës, ndaj këtij personi kishte urdhëresë ndërkombëtare.
“Arrestohet një person i kërkuar nga shteti i Austrisë. Sot nga zyrtarë policor të stacionit Qendra të Prishtinës, është arrestuar një person i dyshuar për të cilin kishte urdhëresë ndërkombëtare. Arrestimi i personit të dyshuar është kryer në rrugën “Fehmi Agani” në Prishtinë”, thuhet në njoftimin e PK-së.
Tutje, PK-ja ka njoftuar se personi i arrestuar është dërguar në mbajtje për 48 orë.
/Shqip.com