Art Jetese

Incident në shtëpinë e BBV, Gjesti lë shtëpinë me urgjencë pasi Gerta i hodhi alkool në fytyrë

Një ngjarje e rëndë ka ndodhur mbrëmjen e kësaj të diele në shtëpinë e “Vëllait të Madh”.

Teksa jo e gjithë shtëpia po festonte për dasmën e Loredanës dhe Jozit, dasmë e cila tanimë është kthyer në një traditë në Big Brother Vip Albania, ka qenë Gerta Gixhari ajo e cila i ka hedhur alkool në fytyrë Gjestit.

Teksa këngëtari ishte duke kërcyer, ai lagu me ujë Loredanën (skenë e cila nuk është tepër e qartë), ndërkohë gazetarja i është afruar dhe i ka hedhur gotën me alkool në fytyrë.

Pas këtij incidenti Gjestit i është dashur të largohet përkohësisht nga shtëpia për të marrë ndihmë mjekësore.

Ndërkohë, fansat kanë kërkuar nga Vëllai i Madh që të marrë masa. Në komentet e lënë në videot e postuara në faqen zyrtare të Big Brother Vip ata kanë kërkuar një zarf të zi për Gertën.

/Shqip.com